FEATURE, news » कटवालको आत्मकथा 'वाहियात' उसले मेरो रौं पनि हल्लाएको थिएन ! प्रचण्ड !

काठमाडौं, भाद्र ३ - एमाओवादी अध्यक्ष पुष्पकमल दाहालले पूर्वप्रधानसेनापति रुकमाङ्गद कटवालको आत्मकथालाई 'वाहियात' भएको टिप्पणी गरेका छन् ।

'उसको आत्मकथामा जे आयो,' दाहाल निवास लाजिम्पाटमा मंगलबार पत्रकारहरुसित उनले भने, 'त्यो वाहियात हो ।' तत्कालिन प्रधानसेनापति कटवालसँगको टकरावका कारण दाहालले प्रधानमन्त्रीबाट राजीनामा दिएका थिए ।

दाहालले तत्कालिन अवस्थामा कटवालले आफूलाई कुनै अप्ठ्यारो नपारेको दाबी गरे । 'कटवालले त्यो बेला मेरो रौं पनि हल्लाएको होइन,' उनले भने, 'उसलाई बाहृय शक्तिले चलाएको थियो । त्यतिबेला अरुको इशारामा चलेको थियो ।'

दाहालले कटवाललाई अवसरवादीको संज्ञा दिए । 'ऊ अवसरवादी हो,' कटवालप्रति दाहालको आक्रोस थियो, 'राजतन्त्र छऊन्जेल बचाउन लाग्यो । गणतन्त्र आएपछि राजालाई छाड्यो । उनी गणतन्त्र आफैंले ल्याएजस्तो गर्दैछन् ।'

दाहालले माघ ८ गते संविधान जारी गर्न प्रमुख दलहरुबीच सहकार्यको आवश्यकता औंल्याए । 'मैले प्रधानमन्त्री र प्रमुख दलका शीर्ष नेताहरुसँग कुरा गरेको छु,' उनले भने, 'सहमतिसाथ सवै अगाडि बढ्नुको विकल्प छैन

0 comments

Write Down Your Responses