१०१ वर्षीय वृद्धद्वारा मतदान, किरियापुत्रीले पनि गरे मतदान
उहाँले गीतानगर गाउँ विकास समितिमा रहेको हिमालय उच्च मावि चम्पानगर मतदान स्थलबाट बिहान ९ बजे मतदान गर्नुभएको थियो । चम्पानगर निवासी भण्डारीले आफूले एकै वर्ष दुईपटक मत खसाल्न पाएका भन्दै खुसी व्यक्त गर्नुभयो ।
यसैगरी, भरतपुर–७ ख मतदान केन्द्रमा कृष्णपुर बस्ने ९२ वर्षका जगतलाल महर्जनले बिहान ७:४५ बजे मतदान गर्नुभएको थियो ।
राष्ट्रिय माध्यमिक विद्यालय कृष्णपुरमा दुई जना किरियापुत्रीले विद्युतीय मेसिनबाट मतदान गरेका छन् । बुबा टेकनाथ अधिकारीको निधन भएको आज ९ दिनको दिन मतदान गरेको उहाँहरुले बताउनुभएको छ । भरतपुर बुद्धचोकका मुकुन्दराज अधिकारी र गिरेन्द्रराज अधिकारीले यहाँ मतदान गर्नुभएको हो ।
सहयोगीका साथ आउनुभएका उहाँहरुलाई अगाडि नै मतदान गर्ने व्यवस्था मिलाइएको चितवनका प्रहरी प्रमुख प्रद्युम्न कार्कीले जानकारी दिनुभयो ।
dainiknepal भिडियो हेर्न तल क्लिक गर्नुहोस्:
0 comments
Write Down Your Responses