डाइनासोर मारेको आरोपमा किशोर पक्राउ
एलेक्स स्टोन, १६, का अनुसार गत अगस्ट १९ तारिखका दिन उनको स्कुल समरभिल हाई स्कुलले होमवर्कको रुपमा उनलाई रचनात्मक लेखाई अन्तर्गत काल्पनिक कथा लेखेर ल्याउनुपर्ने निर्देशन दिएको थियो । उनले उक्त काल्पनिक कथामा एकदिन बेलुका आफ्नो छिमेकीको घरमा भएको डाइनासोरलाई गोली हानेर हत्या गरेको उल्लेख गरेका थिए ।
डाइनासोर मार्न गोलीको प्रयोग गरेको भन्ने वाक्यले उनी अध्ययनरत विद्यालयलाई हल्लाइदियो । उनको होमवर्क चेक गर्ने शिक्षकले केहि सोच बिचार नै नगरी उनकी आमा र पुलिसलाई खबर गरे । पुलिसले पनि केहि बिचार नै नगरि स्टोनलाई सोधपुछको लागि भन्दै पुलिस स्टेसन लिएर गए ।
त्यहाँ उपस्थित उनकी आमाले निकै रिसाएर उनको छोराको वकालत गरिरहेकी थिइन् । उनले भनेकी थिइन्, ‘सयौँ वर्ष अगाडि लोप भइसकेको डाइनासोरलाई अहिले कसैले मार्न सक्छ त ? त्यसमाथि स्टोन बन्दुक बोक्ने उमेरको भइसकेको छैन ।’
यति सुनिसकेपछि पुलिसलाई आफूले गल्ती गरेको थाहा भएर उनले ती आमा–बुवालाई माफी माग्दै उनीहरुलाई आफ्नै गाडीमा घरसम्म पुर्याए । (एजेन्सी)
0 comments
Write Down Your Responses