आपत्तिजनक अवस्थामा चार जोडी पक्राउ

परासी : बर्दघाटस्थित एक होटलबाट प्रहरीले आपत्तिजनक अवस्थामा चार जना जोडीलाई पक्राउ गरेको छ । सृजना होटलबाट आइतबार राति पक्राउ परेका जोडीमा २७ देखि ३२ वर्षसम्मका छन् । पक्राउ परेका जोडीहरु नवलरासी तिलकपुर र त्रिवेणी क्षेत्रका रहेको प्रहरीले जनाएको छ । उनीहरुलाई चेतावनी स्वरुप एकपटकलाई जिल्ला प्रशासन कार्यालय मार्फत एक हजार जरिवाना तिराएर छाडिएको प्रहरी उपरीक्षक (एसपी) कृष्णप्रसाद गौतमले बताए ।

पछिल्लोपटक बर्दघाटका विभिन्न होटलहरुमा यौनजन्य क्रियाकलाप बढ्दै गएको गुनासो आएपछि प्रहरीले निगरानी बढाएको छ । बर्दघाटसँगै सुनवलमा पनि यौनजन्य क्रियाकलाप बढ्दै गएको बताइएको छ ।

उता नेपालबाट भारततर्फ लैजादै गरेको अवस्थामा करिब नौ लाख बराबरको स्याउ प्रहरीले बरामद गरेको छ । जिल्ला प्रहरी कार्यालयबाट गएको गस्ति टोलिले आइतबार राति भुजहवा नाकाबाट ट्रकमा लोड गरि लैजाँदै गर्दा ८ हजार केजी. स्याउ बरामद गरिएको प्रहरी उपरिक्षक(एसपी) गौतमले बताए ।

८ सय ५० कार्टुनमा प्याक गरेर लैजाँदै गरेको अवस्थमा पक्राउ परेका ट्रक सहित दुई जनालाई आवश्यक कारबाहीका लागि राजश्व कार्यालय पठाइएकोछ । पछिल्लोपटक सिमावर्ती नाकाबाट नेपाली स्याउ चोरीको बाटो हुदै भारत तर्फ निकासी भइरहेको छ ।

Labels: entertainment, FEATURE, hot youn tips, news