मोनिका लेबेन्स्की प्रकरण, मोनिकाले मुख खोलिन
२५ बैशाख, एजेन्सी । अमेरिकी ह्वाइट हाउसमा काम गरेकी मोनिका लेबेन्स्कीले मिडियामा आफ्नो मुख खोलेकी छन। मोनिकासँगको अफेयरको कारणले तत्कालिन अमेरिकी राष्ट्रपति बिल क्लिन्टनले महाअभियोगको सामना गर्नु परेको थियो ।
भ्यानिटी फेयर म्यागेजिनमा प्रकाशित लेखमा मोनिका लेबेन्स्कीले भनेकी छन, मलाई बिल क्लिन्टनसँगको अफेयरप्रति गहिरो अफसोच छ । उनीसँगको सम्बन्ध भने सहमतीबाट भएको पनि मिनिकाले बताएकी छन। राष्ट्रपतिले जरुर फाइदा उठाएका छन तर हामी बीच सहमती भएर नै सम्बन्ध भएको हो ।
१९९८ मा मोनिका लेबेन्स्की प्रकरणलाई मुद्धा बनाएर बिल क्लिन्टनलाई पदबाट हटाउन रिपब्लिकन पार्टी असफल भएको थियो ।
भ्यानिटी फेयर म्यागेजिनले मोनिकाको लेखको अंशमा भने अनुसार लेबेन्स्की आफ्नो पहिलाको कुरालाई फेरि बाहिर ल्याउन चाहन्छिन जहाँ आज पनि अमेरिकामा उनलाई चिन्ने गर्छन र मिडियाको माध्यमबाट अहिले पनि उनले आफ्नो नाम देख्ने गर्छिन।
बिल क्लिन्टनसँग को अफेयरको समयमा मोनिका २२ वर्षकी थिइन । उनी लेख्छिन, सायद आफ्नो अतित भनेर यस्तै समस्या भोगिरहेका व्यक्तिहरुलाई सहयोग गर्न सक्छु कि भनेर मैले मेरो अतितलाई बाहिर ल्याएकी हुँ । मोनिकाले अनलाइन मार्फत शोषणमा परेकाहरुको आवाजलाई सार्बजनिक रुपमा ल्याइ सहयोग गर्न चाहेको कुरा पनि उक्त लेखमा लेखेकी छन।
0 comments
Write Down Your Responses