नेपालमा अफिम खेती गर्छन भारतीय ब्यापारी
एक भारतीय ब्यापारीले नेपालमा लागूऔषध अफिमको खेती गर्न प्रोत्साहन गरेको रहस्य खुलेको छ । क्षेत्रीय प्रहरी कार्यालय, सुर्खेत, भेरी अंचल प्रहरी कार्यालय, नेपालगन्ज र इलाका प्रहरी कार्यालय, कोहलपुरको संयुक्त टोलीले शनिबार राति २० किलो अफिमसहति ६ जनालाई पक्राउ गरेपछि सो रहस्य खुलेको हो ।
अफिम कारोबारी रुकुमका ४६ वर्षीय देविलाल गिरीले भारतका मुसा खाँ भन्ने व्यक्तिले अफिमको बिऊ नै दिएर खेती गर्न लगाएको बताए । एक वर्ष अघिदेखि आफुहरुले अफिम खेती गरेर हाल भारतमा पुर्याउन थालिएको उनले बताएका छन् ।
लुकाई छिपाई भारत लाने गरेको २० किलो अफिमसहित रुकुमकै ३७ वर्षीय जितेन्द्र गिरी, ३२ वर्षीय वीरबहादुर खड्का, ३३ वर्षीय मोतिलाल ओली, ४९ वर्षीय खड्कबहादुर खड्काका साथबाट प्रतिव्यक्ति ४ किलोका दरले अफिमसहित बाँकेको बसुदेवपुरबाट पक्राउ गरिएको इलाका प्रहरी कार्यालय कोहलपुरका प्रहरी नायव उपरीक्षक जनक शाहीले जानकारी दिए ।
प्रहरीले उनीहरुका साथबाट ६ हजार नगद र ६ थान मोवाइल पनि बरामद गरेको छ । उनीहरुसंगै संलग्न रहेको आशंकामा बाँके फत्तेपुरका लक्ष्मण चौधरीलाई समेत प्रहरीले अनुसन्धानका लागि पक्राउ गरेको छ । रुकुमबाट भारतको रुपैडिहासम्म पुर्याएवापत ४० हजार पाउने सर्तमा उनीहरु बाँके छिरेका थिए । भिडियो हेर्न तल क्लिक गर्नुहोस्:
0 comments
Write Down Your Responses