प्रहरी बिरुद्ध कमेन्ट लेख्नेलाई ५ बर्ष जेल हाल्छु: एसपी अमात्य
तर सप्तरी प्रहरीका एसपी दीनेश अमात्यले त्यसो नगरेर गैर न्यायिक थुनामा राखेको थिए। हेर्नुहोस् अमात्यसँग गरेको कुराकानीको केही अंशहर
प्रश्नः - एसपी कार्यालयले अब्दुल रहमानलाई किन पक्रिएको?
एसपीः- फेसबुकमा प्रहरीविरुद्ध जथाभावि लेखेको र प्रहरीको मनोबल घटाउने दुर्नियत राखेकोले थुनामा राखेको हो।
प्रश्न: - फेसबुकमा कमैले झोंकमा सामान्य कमेन्ट लेख्दैमा उसलाई थुन्नु पर्छ?
एसपीः - फेसबुकमा कसैले कुनै व्यक्तिलाई यौनदुराचारको आरोप लगायो भने र त्यसको उजुरी पर्यो भने हामीले त्यसमा कारबाही गर्ने की नगर्ने?
प्रश्न : - कुनै व्यक्तिमाथि यौन दुराचारको सार्वजनिक आरोप र रहमानले फेसबुकमा लेखेको कमेन्ट एउटै कोटीको हो?
एसपीः -प्रहरीमाथि आरोप लगाउनेको चै छानबिन हुनुहुन्न भन्ने भन्ने तपाईको कुरा भए मेरो भन्नु केहि छैन्।
प्रश्नः - फेसबुकमा उनले लेखेको कमेन्टले रहमानलाई बोलाएर सोधखोज गर्नु एउटा पक्ष हो तर, उनलाई १७ दिन थुनामा राख्नु ज्याजती भएन?
एसपीः - १७ दिन हामीले राखेको होइन। अदालतले राख्नु भनेको हो।
प्रश्नः - अदालतले त तपाईँलाई अनुसन्धानका लागि थुनामा राख्न पाउँ भनेपछि स्वीकृति दिएको हो। थुनामा राख्न खोजेको र राखेको त प्रहरीले नै हो नि।
एसपीः- थुनामा राख्न आवश्यक नभएको भए अदालतले स्वीकृति दिँदैनथ्यो। प्रहरीले माग्दैमा अदालतले थुनामा राख्ने स्वीकृति दिँदैन।
प्रश्नः- १७ दिनसम्म थुनामा राख्नुपर्ने कुनै कारण देखिन्न। के अनुसन्धान गर्नु भयो थुनामा।
एसपीः - अनुसन्धान गर्नुकै लागि थुनामा राखेको हो । अनुसन्धान जायज नदेखिएको भए अदालतले थप अनुसन्धानका लागि थुन्ने आदेश दिँदैन।
प्रश्नः - तपाईँको अनुसन्धानबाट के देखियो त? के मा मुद्दा चलाउनु भयो काठमाडौं जिल्ला अदालतमा?
एसपीः - म अहिले नै के मुद्दा चलाए भनेर भन्न सक्दिन। अफिसमा भएको बेला फाइल हेरेर मात्र अनुसन्त्रानबाट के देखियो र हामीले के माग गरेका छौ भनेर भन्न सक्छु।
प्रश्नः - तपाईले विद्युतिय कारोबार ऐन अन्तर्गत नै मुद्दा चलाउने भए सुरुमै काठमाडौं जिल्ला अदालत लैजानुपर्थ्यो । तर, वदनियत बस सप्तरी जिल्ला अदालतबाट थुनाको स्वीकृति लिनुभयो नि १७ दिनसम्म
थुनामा राख्नका लागि। तपाईलाई कानुन थाहा थिएन?
एसपीः- त्यसमा अलिकति बुझाई फरक आयो। हामीले सप्तरी जिल्ला अदालतमा लगेपछि उसैले हामीले हेर्न मिल्दैन काठमाडौं लैजानुस भन्नुपर्थ्यौ सुरुमै। तर, अन्तिममा मुद्दा हाल्ने बेला मात्रै अदालतले आफ्नो क्षेत्रधिकार नपर्ने बतायो।
प्रश्न: तपाईले १७ दिन थुनामा राखेर अनुसन्धान गरे भनेको मानिस काठमाडौं जिल्ला अदालतले एक घन्टामै छाडिदियो। तपाईहरुको गल्ती त्यसले पनि प्रमणित हुन्छ हैन?
एसपीः - काठमाडौं जिल्ला अदालतले धरौटी लिएर तारेखमा छोडेको हो। सफाई दिएको हैन।
प्रश्न:- न्यायाधीशले दुई तर्फका वकिलको बहस पनि नसुनी रहमानलाई साधारण तारेखमा छोड्नुले उनले गम्भीर गल्ती नगरेको देखाउँछ नी?
एसपीः - सम्मानित अदालतले गरेको निर्णय तपाई हामीले आफ्नो किसिमले गरेर हुन्न् (setopati) भिडियो हेर्न तल क्लिक गर्नुहोस्:
0 comments
Write Down Your Responses