FEATURE, news » कांग्रेसलाई घेराबन्दीमा पारियोः पौडेल

चितवन, असार ३– काँग्रेस उपसभापति रामचन्द्र पौडेलले पार्टीलाई सबैतिरबाट धेराबन्दीमा पार्ने काम भइरहेको दाबी गरेका छन् ।
ramchandra paudelचितवनको भरतपुरमा  आयोजित चुनावी सभालाई सम्बोधन गर्दै उनले संसदीय प्रणाली अङ्गिकार गर्न नदिन काँग्रेसलाई घेराबन्दी गर्नेकार्य भइरहेको भन्दै काँग्रेस आफ्नो अडानबाट कहिल्यै विचलित नहुने बताए ।
उनले विपछिलाई साम्यवादी र अधिनायकवादीको संज्ञा दिदै सधैँ उनीहरुले समस्या जन्माउने र समाधान गर्न नदिने गरेको आरोप लगाए । उनले सबैखाले गतिरोध उनीहरुबाटै उत्पन्न भएको दाबी गरे ।
उपसभापति पौडेलले लोकतान्त्रिक संविधान बन्ने पक्कापक्की भएको बताउँदै अबको ठूलो दायित्व काँग्रेसको काँधमा आएको छ भने ।
सभापति सुशील कोइरालाले अमेरिका जानुअघि सुकुम्बासी आयोग गठन गरेर गएको भन्दै उपसभापति पौडेलले सुकुम्बासी र किसानको समस्या काँग्रेसले जति कसैले नबुझेको दाबी गरे ।
कार्यक्रममा उनले े चितवन क्षेत्र नं ४ मा आफ्ना उम्मेदवार रामकृष्ण घिमिरेलाई भारी मतले निर्वाचित गर्न समेत आग्रह गरे ।

0 comments

Write Down Your Responses