कैदीले जेलभित्रै श्रीमतीसँग शारिरिक सम्पर्क राख्न पाउने
भदौ-१०, काठमाडौं ।–कैदीले जेलभित्रै श्रीमतीसँग शारिरिक सम्पर्क राख्न पाउने भएका छन् । सरकारले यौनसम्पर्क राख्ने कोठासहित नयाँ कारागार निमार्ण गर्ने प्रक्रिया अघि बढाएको छ । कैदी– बन्दीको प्रजनन अधिकारका लागि कारागार व्यवस्था विभागले श्रीमतीसँग शारीरिक सम्पर्क राख्न दिने गरी नुवाकोटमा नयाँ कारागार निमार्ण थालेको छ । श्रीमान-श्रीमती दुबै जना जेल परेकाले मात्र यस्तो सुविधा लिन पाउँछन् ।
‘अदालतको आदेशअनुसार हामीले कैद बन्दीको प्रजनन अधिकार सुनिश्चित गर्न लागेका हौं,’ कारागार व्यवस्था विभागका महानिर्देशक शम्भु कोइरालाले भने,‘नुवाकोट कारागारमा त्यसका लागि दुई–तीनवटा कोठा बनाउँनेछौं ।’ गत वर्ष सर्वोच्च अदालतले कैदी बन्दीको प्रजनन अधिकार दिन आदेश दिएको थियो । त्यसैको कार्यान्वयनका लागि सरकारले नयाँ कारागारमा शारीरिक सम्पर्कका लागि जेलभित्रै छुट्टै कोठा बनाउन लागेको हो । तर कार्यान्वयनमा आउन भने करिब पाँच वर्ष लाग्ने कारागार व्यवस्था विभागका महानिर्देशक कोइराला बताउँछन् । -नयाँ पत्रिका
0 comments
Write Down Your Responses