टुंडिखेलमा रेग्मीका अनेक रुप (फोटो फिचर)
काठमाडौ, माघ १ – माघे संक्रान्तिको अवसरमा काठमाडौंको टुंडिखेलमा पनि बुधबार भव्य कार्यक्रम भयो ।
टुंडिखेलको एकातिर थारु समुदाय र अर्कोतिर मगर समुदायको छुट्टाछुट्टै समारोह । दुवै समारोहमा प्रमुख अतिथि बनेर पुग्नुभएको थियो, मन्त्रिपरिषदका अध्यक्ष खिलराज रेग्मी ।
थारु समुदायको माघी महोत्सव र मगर समुदायको शुभकामना आदानप्रदान तथा वृहत साँस्कृतिक कार्यक्रममा निम्ता मान्न पुगेका रेग्मीलाई दुवैथरीले आफूहरुको संस्कृति अनुसार स्वागत गरे । राष्टिय पोशाकमा पुगेका रेग्मीलाई दुवै समुदायले आआफ्नो परम्परा अनुसारका पहिरन पनि लगाइदिए ।
थारु समुदायको कार्यक्रममा पुग्दा थारुको जस्तै भेषमा देखिएका रेग्मी मगर समुदायको कार्यक्रममा पुग्दा मगरको जस्तो भेषमा देखिनुभयो । दुवै कार्यक्रममा सम्वोधन गर्ने भाषा र शैली र पनि त्यसै अनुसारको थियो ।
तर रेग्मीले एउटै कुरामा जोड दिनुभयो, ‘नेपाल सांस्कृतिक हिसावले धनी छ । त्यसका सवल पक्षलाई सुदृढ गर्दै सामाजिक र आर्थिक पक्षका लागि हामी अग्रसर हुनुपर्छ । त्यसका लागि सहयोग गर्न सरकार तत्पर छ । सरकारले सफलत पूर्वक संविधानसभाको चुनाव गराएको छ । त्यसमा सकृय सहभागिताका लागि थारु समुदायलाई पनि धन्यवाद, मगर समुदायलाई पनि धन्यवाद ।’
0 comments
Write Down Your Responses